Kajaani University of Applied Sciences nunanut assigiinngitsunut universitetiuvoq, nunap immikkoortortaani inuiaqatigiinnullu ersarissumik malunnaateqarluni. Campus Kajaani Ilinniarfiuvoq kusanartumik avatangiisilik, 2000 missaanik ilinniartulik, ilinniariaatsit 5-t ingerlallugit aammalu ekspertit 230-iullutik. 'School of Business and Innovation' -imi inuutissarsiornermut periarfissat aallunneqarput aammalu aallarnisartut ineriartornissaat avammut periarfissanik angusaqartinniarlugit.
Nordirlandimi suliniutinut ineriartortitsivik tusaamasaasoq, ukiuni 25-ni kingullerni avatangiisini piuminaatsuni inuusuttut inuunerannik nutaaliornikkut allanguinermik inerneqartunik. Advantage-p aningaasatigut ineriartortitsineq inuusuttunillu namminersortunngorsaaneq ukkassimavaa. Sullitarivaat pisortat, namminersortut aammalu iluanaarniutaanngitsumik suliniutillit, piginnaasatillu aallarnisartut inuusuttut 16-30 -nik ukiullit piviusunngortitsinissaata siuarsarnissaannut atorlugit.
Kalaallit Nunaanni inuutissarsiornermut siuarsaasuuvoq pisortanik pigineqartoq. Siunertaraa nunami inuutissarsiortunik siuarsaanissaq, aallarnisaaneq, nutaaliorneq ineriartortitsinerlu. Greenland Businessimi namminersulerniartut siunnersorneqartarput, suliffiit pioreersut ineriartoqqikkusuttut immaqalu avammut tuniniaalerusuttut. Aammattaaq Greenland Business-imi pisortaniit tapiissutit aqunneqarput.
Laplandip Universitetia (of Applied Sciences-UAS) ilisimatusarnikkut atorneqartuni Finland-imi, Europæiske Uniunimilu avannarpasinnerpaavoq.
Suliffeqarfiup neqeroorutigaa nutaarluinnarmik nunallu akornanni assigiinngitsuni atuariaaseq, ilinniartunullu sullissilluarneq. Lapland UAS 5500 missaannik ilinniartoqarpoq oqaatsinik tamatigoortumik ilinniartitsineq, atorfinni allanngorartuni-, nunat akornanni avatangiisit unamminartortaanik akuersisinnaanerillu ingerlallugit. Ukiut tamaasa ilinniartut nunanit allaneersut 600 missaaniusarput paarlaasseqatigiinnerit ilanngullugit.
Ilisimatusarneq ingerlatseqatigiiffiit nunani tamalaaneersut aammalu nunani tamalaani ilisimatusarfiit siuttuusut qanimut suleqatigalugit ingerlanneqarpoq.
Communities Creating Jobs, inuinnaat ataqatigiillutik qaffassaasut, Irlandi tamakkerlugu illoqarfeeqqani suliffissaqartitsiniarneq siunertaralugu. Suliffissaaleqineq perusunngikkaluarlunilu nuuttariaqarneq pinaveersaartinniarlugu tapersersuisumik nutaaliornikkut iliuuseqarnermik.
Voluntary action Orkney-p tapersersorpaai kajumissutsimikkut suliniuteqartut, inunnik sullissisut anguniagaalluni nunaqarfiit ineriartornissaat akiuussinnaallutik qajannaatsumik ataqatigiissumillu. Orkney-mi tredje sektor siunnersuinikkut, paasissutissiinikkut ikiuunnikkullu tapersersorneqarpoq. Tammanna Tuluit Nunaanni kajumissutsimikkut attaveqaqatigiit suliniutaannut ilaavoq, anguniagaalluni piffinni nukittuumik ineriartornissaq inuit suliniuteqartut kajumissutsimikkullu sullissisut tapersersorneranni.
Kveika Islandimi siuttuuvoq inuiaqatigiit akornanni namminersortunngorsaanermik siunertaqarluni, qaammarsaaneq, ilinniartitaaneq, ilisimatusarneq aammalu inuit ataasiakkaat inuiaqatigiillu ineriartornissaannut periarfissiilluni. Kveika-p aamma europamiut akimorlugit attaveqaqatigiinnissaanut periarfissiisarpoq konferencertitsinikkut aammalu inuit akornanni aallarnisaatitsinikkut.
Savalimmiut Universitetiata inuiaqatigiit soqutigisaanik ersersitsivoq, ilisimatusarnikkut nassaat periaatsillu siaruarterneqartarput. Ilisimatusarneq, ilikkagaqarneq ilinniartitsinerlu aallunneqarput. Pisortaniit namminersortuniillu siunnersuutit tamatigut qutsanneqartarput.
Cold Climate Innovation Yukon-p ineriartortitsineq, niiuernerpalaarsaaneq, nunani nillertuni atajuaannarsinnaasunik teknikkikkut assigisaatigullu iliuutsinik avammut tuniniagassanngorsaanerit aalluppaat.
Aningaasaqarnikkut uummarissaanerit isummanik nutaanik nittarsaanikkut. Tapiissutitut aningaasaliinerit, nutaanik isumassarsisartunut, ilusilersuisunut, namminersortunik siunnersuinernut, takussutissanik misileraasunut, suliniutinut aqutsisunut, namminersortut pilersaarusiornerannut patentinullu siunnersuinermut.
Business Kitchen tassaavoq ataatsimiinnikkut ilinniagaqarnikkullu Oulu-p univertitetiini pilersitseqataanikkut, niuissutaasinnaasunillu qulaajaaffiusoq. Inissamik, aaqqissuussinernik, attaveqatissiineq aammalu nutaanik niiuissutaasinnaasunik isumassarsiornerit neqeroorutaapput.
Coompanion Sverige, Sverige tamakkerlugu nunap immikkoortuini Coompanion-inut 25-inut kattuffiuvoq. Nunami namminermi peqatigiiffiit ataatsimoorussat aamma inuiaqatigiit aningaasaqarneranni suliniutit pillugit aammalu taakkua ersarinnerulersinneqarnissaat pillugu isummersortarnermik suliaqartuuvoq. Piginneqatigiilluni ingerlatseqatigiiffimmi aallartitserusuttunut tamaginnut siunnersuinermik sullissinermillu neqerooruteqarpoq. Ingerlatsinermut isumassarsiat paasinissaannut ikiuunneq, isumassarsiamiit iluatsitsiviulluartumik aallarnisaanermik suliaqarnermut paasissutissiinermik, siunnersuinermik aamma ilinniartitaanermik, ataasiakkaanut naleqqussagaasumik neqerooruteqarfiusoq.
Innovation Center Iceland aallarnisaasunut suliffeqarfinnik mikisunik aamma akunnattumik angissusilinnut aallartisarnermi, siuariartornermi aamma aqutsinermi ikiuuttarpoq. Island-imi F & U-mut aamma inuussutissarsiortunut tapersiisarnermi siuttuuvoq. Nunami namminermi tamatigoortunik attaveqaqatigiinnik inerisaalluni aammalu nutaaliornermik annertusaalluni, Islandimiut suliffeqarfiisa unammillersinnaassuseqarnerannik pitsanngorsaasarluni. Kiffartuussinernik, suliaqarluni isumasioqatigiinnernik aamma pikkorissaanernik SMV-inut aamma tamanut pilersuisarpoq aammalu aqutsineq aamma nittarsaassisarneq pillugit atuakkanik malitassianillu saqqummersitsisarluni.
Intotalo suliffeqarfinnit mikisunit nunani tamalaani ingerlatseqatigiiffinnut aningaasanut niuerfimmi nalunaarsorsimasunut aallarnisaasunut aamma inunnut pingaaruteqartunut tuusintilikkaanut ilinniartitaanermik pilersuisimavoq. Taakkua 2001-imiilli suliffeqarfinni arlalinni ilinniartitaanermut pisussanut pilersaarutinik ingerlatsisimapput. Sungiusaasut tamarmik allarnisaasuupput imaluunniit atuartitsisuullutik misilittagaqartut, inuussutissarsiornermi akimmiffinnik ilisimannittut. Intotalo nunami namminermi suliaqartuuvoq aammalu isumassarsiornartumik kaammattuisumillu pissuseqartarnini tusaamaneqaatigalugu.
Luleå University of Technology, Sverige-miittoq Skandinaviami teknologiimut ilisimatusarfiit avannarlersaraat. Sisamanik campus-eqarput, Luleå-mi, Kiruna-mi, Skellefteå-mi aamma Piteå-mi inissisimasunik. Teknologiimi ilisimatusarfinni siuttuupput, inuiaqatigiit kajuminnartut, piujuartitsiviusut inerisarnissaannut nunarsuaq tamakkerlugu suleqateqarlutik.
Ilisimatusarneq ingerlatseqatigiiffiit nunani tamalaaneersut aammalu nunani tamalaani ilisimatusarfiit siuttuusut qanimut suleqatigalugit ingerlanneqarpoq.
Tromsø-p Universititia Norgimiippoq, 1968-mi sananeqartoq 1972-milu ammarneqartoq. Norgimi universitetit arfineq pingasut ilagivaat. Tromsømi Universiteti Norgimi ilisimatusarnermut ilinniartitaanermullu tunngasuni annerpaavoq. Universitetip inissisimanerata pissusissamisoortippaa avatangiisinik, kulturikkut inuaiaqatigiinnillu ineriartornerup ilisimatusaatiginissaa.